വിരിയാത്ത സ്വപ്‌നങ്ങൾ

പുറംതോട് പൊട്ടിച്ചു
പുറത്തേക്കു ചാടാൻ വെമ്പി നില്ക്കുന്ന
ഒരുപാടു സ്വപ്‌നങ്ങൾ ഇനിയും ഉണ്ടെന്റെ
മനസ്സിന്റെ കിളികൂട്ടിൽ

സ്നേഹം കൊണ്ട് പുറംതോട് പൊട്ടി
പുറത്തേക്കു ചാടിയ
ഒരു മകനും
ഒരു സഹോദരനും
ഒരു കൂട്ടുകാരനും
എന്നിൽ ഇപ്പോഴും ഉണ്ട് ....
ഇനി
കാമുകിയുടെ സ്നേഹത്താൽ പുറംതോട് പൊട്ടാൻ
കൊതിക്കുന്ന ഒരു പ്രണയമുണ്ട്
അത് വിരിഞ്ഞാൽ
പുറത്തേക്കു വരുന്നത് ഒരുപാടാണ്‌
ഒരു കാമുകൻ
ഒരു ഭർത്താവ്
ഒരു അച്ഛൻ  ....അങ്ങനെ അങ്ങനെ .....
എന്നിട്ടും എന്തേ കിളിയേ എന്റെ സ്വപ്നങ്ങൾക്ക് മേൽ
അടയിരിക്കാൻ നീ വരാത്തത് ....