സ്നേഹത്തിന്റെ ചില്ല

ഒരിക്കലും സംഭവിക്കാത്ത ഒരു പ്രണയത്തിനും
സ്നേഹം തിരിച്ചറിയാത്ത ഒരു കാമുകിക്കും വേണ്ടി
എഴുതി തീർന്നു പോയ ഒരു തൂലിക എന്റെ പക്കലുണ്ട്
ഒരിക്കലും നടക്കാത്ത സുന്ദരമായ കുറെ സ്വപ്നങ്ങളെ
വർണിച്ചു വർണിച്ചു തീർന്നു പോയതാണ് ആ മഷി
തൂലികയിൽ നിറച്ച പുതിയ മഷി കൊണ്ട്
ഇനി കുറച്ചു സുന്ദരമായ യാഥാർത്ഥ്യങ്ങളെ
കുറിച്ച് എഴുതാം
പ്രണയത്തെകാൾ സുന്ദരമായ സൗഹൃദങ്ങളെ കുറിച്ച്...
ഇഷ്ടമാണെന്ന് തുറന്നു പറഞ്ഞിട്ടും അത് കേൾക്കാതെ പോയവളെ പോലെയല്ല
ഇഷ്ടമാണ് എന്ന്  പറയാതെ തന്നെ
പരസ്പരം ഒരുപാടു സ്നേഹിച്ചവർ
വിഷമാണ് എന്ന് സമൂഹം പറഞ്ഞതൊക്കെ
ഒരേ മനസ്സോടെ പങ്കിട്ടവർ
എന്റെ വേദനകളിൽ കരഞ്ഞവർ അല്ല
എന്നെ വേദനിപ്പിച്ചവരെ കരയിച്ചവർ
എന്നെ കളിയാക്കി ചിരിച്ചു
എന്നെയും ചിരിപ്പിച്ചവർ
ഏതു പ്രതിസന്ധിയിലും എനിക്ക് ധൈര്യം പകർന്നവർ
എന്നും കാണാറില്ല വിളിക്കാറില്ല
പക്ഷെ ഒരിക്കലും പരാതികളില്ല ...

എന്നിട്ടും അവരെ കാണാതെ
അവരുടെ സ്നേഹം കാണാതെ
അവൾക്കു വേണ്ടി ജീവിച്ചു ..
പക്ഷെ നിറഞ്ഞ സ്നേഹവുമായി
അവർ ഇപ്പോഴും എന്റെ  കൂടെ ഉണ്ട് ...

ഇരുട്ട് മൂടിയ പ്രണയത്തിന്റെ പാതയിൽ
തനിച്ചു നിന്നപ്പോൾ
വെളിച്ചം പകർന്ന സൗഹൃദത്തിന്റെ പാതയിൽ
യാത്ര തുടരുന്നു ....

അടരുന്നു സഖി നിന് ഹൃദയത്തിൽ നിന്ന്
ചേരുന്നു തോഴന്റെ തണലിലേക്ക്‌ ഇനി ഞാൻ ...