ഒരു ശവത്തിന്റെ സ്വപ്നം

മൂടിവെച്ച ശവപെട്ടിക്കുള്ളിൽ
മനസ്സ് നഷ്ടപ്പെട്ട്
മാംസം അഴുകി ഞാൻ ഉറങ്ങുമ്പോൾ
നിങ്ങൾക്ക് ഞാൻ ഒരു നല്ല മനുഷനാകും

അന്നെന്റെ ചെറിയ നന്മകൾ
നിങ്ങൾ ഓർക്കും
വലിയ തെറ്റുകൾ പോലും
നിങ്ങൾ ക്ഷമിക്കും
കൂടി നിന്ന് സഹതപിക്കും

വിശന്നു വലഞ്ഞ എനിക്ക് തരാൻ മടിച്ച അന്നം
കാക്കയ്ക്ക് വെച്ച് വിളമ്പും
എന്നിട്ട് ആത്മാവിൻ ശാന്തിക്ക് എന്നോതും
മറക്കാതിരിക്കുക , മരകൊമ്പിലിരുന്നു ബലികാക്കകൾ വിശപ്പകറ്റാൻ
ഇനിയും മാനവന്റെ മരണത്തിനായി കൊതിക്കും

സ്നേഹം മറച്ചുവെച്ചവരുടെ കുമ്പസാരം തുടങ്ങിയിട്ടുണ്ടാകും
പക്ഷെ സ്നേഹിച്ചു കൊതി തീരാതവർക്കു വേണ്ടി
ഒരു പുനർജ്ജന്മം ഉണ്ടായിരുന്നെങ്കിൽ ......