ഒരു കഥ

പ്രണയിച്ചു തുടങ്ങിയതിൽ പിന്നെ അവർ തമ്മിൽ കാണാത്ത ഒരു ദിവസം പോലും ഉണ്ടായിട്ടില്ല.ഒരിക്കൽ അസ്തമയ സൂര്യന്റെ കിരണങ്ങൾ കടലിനെ ചുവപ്പിച്ചു തുടങ്ങിയ സായാഹ്നത്തിൽ മഞ്ഞ ദാവണി ഉടുത്ത് എത്തിയ അവളെ നോക്കി അവൻ ചോദിച്ചു .."അല്ല ആരിത്  ശ്രീനാരായണ ഗുരുവിന്റെ മകളോ ??"

അപ്പോൾ അവൾ പറഞ്ഞു "എന്തായാലും നിന്നെ പോലെ കർത്താവിനെ ചതിച്ച യുദാസ്  അല്ല .."
അപ്പോഴേക്ക് സൂര്യൻ അസ്തമിച്ചു കഴിഞ്ഞിരുന്നു ....അവരുടെ പ്രണയത്തിനു മുകളിൽ മതത്തിന്റെ കറുപ്പ് പടർന്നു കഴിഞ്ഞിരുന്നു....പിന്നീടുള്ള പ്രഭാതങ്ങളും സായ്ഹനങ്ങളും അവർ ഒരുമിച്ചു കണ്ടിട്ടില്ല .....