പറയാൻ മടിച്ച വാക്കുകൾക്ക് പിന്നിൽ
അലയടിക്കുന്ന സ്നേഹത്തിന്റെ കടൽ
നീ കണ്ടില്ലല്ലോ ...
കത്തിയെരിഞ്ഞ സ്നേഹത്തിന്റെ
പുകമറ ആയിരുന്നു
നിന്നോട് കാട്ടിയ വെറുപ്പ്‌
ഒടുവിൽ പിൻവിളിക്ക്  കാതോർക്കാതെ
കലങ്ങിയ കണ്ണുകളുമായി
നീ നടന്നു അകലുമ്പോൾ
എന്നിലെ അവസാനത്തെ സ്നേഹവും
വേദനയായി മാറിയിരുന്നു

ഇന്ന് തിരിച്ചറിയുന്നു
ആവശ്യക്കാരന് ആഗ്രഹിക്കുന്ന രീതിയിൽ
കൊടുക്കാൻ കഴിഞ്ഞില്ലെങ്കിൽ
സ്നേഹത്തിനു അർത്ഥമില്ല എന്ന് ...