തൂലിക

ഇന്നും അവളുടെ അരയിൽ ചുറ്റിപിടിച്ചു
അങ്ങനെ ഇരുന്നു
പുറത്തേക്കു തുളുമ്പാൻ  വിതുമ്പി  അവളും
അവളെ ഉപയോഗിക്കനമെന്നുണ്ട്
പക്ഷെ കഴിയുന്നില്ല
അവളെ ഉപയോഗിച്ച്
ഉന്നതിയിൽ എത്തിയവർ എത്രയോ
അവളെ ഊറ്റി ജീവിതം
നയിക്കുന്നവർ അനേകം
എന്നിട്ടും അവൾ ഇന്നും വിശുദ്ധയാണ് ..
അവളിലൂടെ പിറക്കുന്നത്‌
എന്തും സൃഷ്ടികളാണ്
ഞാനും അവളെ കയ്യിൽ എടുത്തു ഇരിക്കുകയാണ്
ഒരു പുതിയ സൃഷ്ടിക്കായി
അവൾ തയ്യാർ ആയികഴിഞ്ഞു
പക്ഷെ എനിക്ക് കഴിയുന്നില്ല
എന്റെ ചിന്തകൾ വികലമാണ്  
അവസാനം ഒന്നും എഴുതാൻ കഴിയാതെ
ആ മൂടി അടച്ചു
അവളെ ....
ആ തൂലികയെ ഞാൻ അവിടെ ഉപേക്ഷിച്ചു
പുത്തൻ ചിന്തകളുമായി
പുതിയ സൃഷ്ടികൾക്ക് വേണ്ടി
അവളുടെ അരയിൽ ചുറ്റിപിടിക്കാൻ    
ഞാൻ വരുന്നതും കാത്തു
അവൾ ഇപ്പോഴും ആ മേശയിൽ കിടക്കുന്നു ...